01.09.2010

Rente met 67

Nä, wat hant se sech jäz widder överlecht. De Jenosse sin am sinniere, ob se de Rente met 67 escht später einführe sulle. Lev Lük, dat de Minsche, die brassele, nit su lang arbide künne, wie de Minsche, die im Büro sitze, is doch nix Neues. Dat war schon su, als de neue Jrenze för aufzohöre zo arbeide einjeföhrt wodde is. Un dat et ville Minsche jift, die dann noch länger in Hartz 4 bliwwe mösse, weil se noch kinne Rente krigge, dat pfiffe de Mösche von de Däscher.  Äwwer nu denke de Jenosse noch mal dröver nach. Tät man mesch frare, tät isch sare, dat 45 Joohre einjezahlt, jenuch

 

10. 08. 10

Usstieg us demm Usstieg?

Nä, da möht isch nochens dröver nachdenke. Hük sare se inne Ziedong, dat die Atomkraftwerke länger loope solle. Et jift doch dat Jesetz, dat bestämmt, dat alle Atomkraftwerke in dä Bundesrepublik afgestellt wädde sulle.
Un dat is och jod su, weil mer nämlich üwerhauptsnix wejß, wat us dä Müll wäd, dä över bliwt. Äwer in Berlin, bei dä Bundesrejierung fange se nu an, sech von diessem Plan zo verabschidde. Ejal, ob dat jesondheetleche Beenträchtijonge für de Mische met sich brenge dot.
Dat jefällt mer nich. Wer hät denne in Berlin denn nu schon widder  wat einjeredet. Dat hat wohl wat mit dä CO² zu donn. Wenn nämlesch de AKWs länger loope, könne die angeren mehr CO² in de Loft jäwwe. Un damitt  künnt de Bundesrejierung jot ärbiede. Un mer wäre widder mal dä Primus in dä EU. Äwwer för welche Prejs?
 

 

28. 07.2010

Trauer

Esch ben noch janz dörch de Wind. De arme Minsche, die in Duisburg umjekumme sin. Nä, wat förn Drama.
Die jonge Minsche wollte doch nur en beßken abdanze und Spaß han. Un nu sin se tuut. Dat hät nich passiere dörfe, ims Levve nich. Un daför muß en Oberbörgermeester  als Chef von de Verwaltung sine Hoot  nämme. Un zwar jradewegs. Nit weil hä schold hät, nä, weil et sich so jehöörd.

20.07.2010

Jubel, Jubel, Jubel,

da kömm isch us de Ferien, un et is passiert. Hannelore hat jewonne! Un nieman kann emm vorwerfe, dat et sech met de Linke verknuddelt hät.
Nu ja, dat wörd nich lejcht wädde, äwer isch gloof, dat kann dat. Jeddenfalls iset sech nit fies daför, et zu versooche. Ming Hochachtong!

Un schon fängt de Presse widder aan, met Dreck zu werfe. De Minsche in NRW sulle bloß nit glowe, dat dat jod jehen kann mit dä Mingerheitsrejierong. Da moß doch wat zo make sin. Also her met de fuule Tomate und över dat Kabinet emmer kräftisch her ziehe. Mer losse uns äwer nit verdrisse. Dat Hannelore is up dä rechtige Wäsch. Esch drück em de Duume.

15.06.2010

Wahlsiech för de Katz?

Nä, wat is dat schwierich. Nu hät dat Hannelore met dem Sylvia kinne Partner jefonge. Nu wolle se inne Opposition. Nä, dat is aber schaad.

Darf dat dat? Nuja, isch mein, dat darf dat. De Wählerinnen un Wähler hann afjestemmt, et is unenschiedde. Nu hat sech dat Hannelore so bemüht, hat met all den angere Parteije jesproche, äwwer nur de Jröne  make met. Dat reicht äwer nit, um Minesterpräsidentin zu wädde.

Jod is, dat de Partej sech von en jroße Koalition fern hält. Dat hammer ja wohl geliirt, dat mer de Prüjel daför krigge und de CDU dä Ruhm. ( Lurens nach Berlin, da sieht mo ett. ) De Liberalen läwwe up em angeren Stern. Un de Linke kannse överhaupts  verjesse.

Äwer wat saren unsere Rejeln:

Et is, wie et is. Un et hätt noch ewers jot jejange.  Halte mer uns daran.

 

26.05.2010.

Dat ärm Hannelore

Nä, wat ham mer uns jefreut, als dat Erjebnis dä Wahl errus kam un dä Rüttgers moßt sich schämme. Äwer wat is nu?                              Dat Dreamteam SPD-Jrüne hät eene Stimm zu wennich.                    So en Ärjer. Nu moß dat Hannelore versooche, en Regierung henzukrieje. Äwer met wemm?
De FPD????                                                                                                   Nä, denn de Zeiten von Herrn Baum sin längs vorbej un verjesse.  De heutije FDP, dat sin de „ Maker“ in nem feinem Zwirn und nix dahinner.                                                                                                       Kein sozial-liberales Profil in Secht. Also die net.                                       
Die Linke??? Nä, wat sin dat Schätzkes! De könne nich mal secherstelle, dat de Partei die Lük im Landtag unnerstütze dät. Dat hat 5 Stunde jedauert, da war dat ooch vorbej! Die also ooch net.       
De CDU? –Rüttjers wör widder Ministerpräsident? Also dat wär wirklesch en janz suure Appel. Außerdemm: da wär wie inn Bundespolitik: Dä SPD wöd arbeijde un de CDU sech usruhe. Un wir bekämme dann widder alles ab bej dä nächsten Wahl.

Ich find, dat Hannelore sollt mutig sin: Mein Tip: Minderhejtskabinet un jedes Mal widder neue Stimme einfange. Dat is zwar mühsellig, äwer maht transparent! Jedder muß sare wat hä will.  Dat fäng an met dä Wahl zum Ministerpräsident.                                                        Lot mer et druf aankomme.  Vielleicht hat dä lewe Jott ja doch ein Einsehen un schmejßt Hirn vom Himmel.                                           Dann könnt dat klappe! 

 

26. 04.2010

Also, dat kann isch net verknuse. Da hat en „ Diskussion“ im Matare Gymnasium stattjefunge. All de Kandidate för de Wahl han sech vorjestellt, för Rede un Antwort  zu stonn. So wejt, so jut. Nu hör isch, dat se unser Kandidatin,  unser  Nicole, ausjepfiffen han.- ejal, wat se jesaht hätt, de Schöler han nit zujehört und jestört.
Da komm isch ins Jrübeln. Is dat die Sach, wie Minsche in Zukunft met denne umjehen, die en anger Meinung han?
Pfeiffe un krawalle?  Un wat kütt als nächstes? Wenn schon de Schöler von nem Gymnasium nit wisse, wie man sech benimmt, wer soll dat dann noch wisse? Schon mal wat von Toleranz jehört? Von ner fairen Diskussion? Oder  von Meinungsfrejheit? Wat lerne die denn?

 

20.04.2010

Nä, wat is dat schön ohne dä Fluchlärm. Mer könne schlofe un drusse sitze un über dä Zaun parliere, ohne zu brülle. Dat hät et noch nit jejäwe.
Wat mich wundere tut, is, dat dä Rüttjer uns noch nicht verzellt hät, dat dat nur is, um CO² zo sparre. Dat hä sinne gode Draht nutzt, um för uns ma för Ruhe ze sorje. Widder en paar Stemmche mehr för häm.
Ich glöw ja, dat hä vor dem 9. Mai Angst hät. weil dat so schön is, dat  hä Ministerpräsident is. Un dat will hä blevve, um jedde Preis.  Darum springt hä doch im Moment up jedde Zuch drupp.
Ich hoffe, dat mit dem jeht jenauso vorbej, wie de Wolke us Island. Asche zo Asche…

 

23. 03.2010

Mini-Jruppe für de Minis.

Hük  steht inne Ziedung, dat dä Pänz, de jehandicäpt sin, met alle Kingers zusamme im Kingerjarde betreut wädde sulle.
Sowejt, so jut!
Äwer, wie sull dat met dem Personal jonn? Schon hük sin  de Erzieherinne Mädsches för alles. Se mösse de Windele för de Kleenste wächsele, dä fünfjährige Pänz teste för de Schull, sech um ne janze Menge kümmere. Un nu noch die Aufjabe dazu. Da moß et äwwer och jenügend Personal för de Betreujung jäwwe.
Also Mini-Jruppe für de Minis.
Ich han allerdengs dat Jeföhl, dat an dä Stell jespart wädde sull. Wenn een Pänz, dä jehandicäpt is, in een Jruppe met 15 Kingers  uffjenomme wäd, jloob isch nisch, dat  daför en zwejte Erzieherin dazu kömmt.  Un dann blejbt et widder am vorhandene Personal klewe. Un die Stadt hät Jeld jespart. Se schließt nämlesch de Fördereinrichtung.

 

16. 03. 2010

Nä, da biisse platt

Nä, da biisse platt. De ahle Fruu SPD bewejent säch. Kaum zu glöwe, aber se hat ma endlesch up de Basis, also de Pütterkes, jehöt. De hant nämlesch schons ewwer jesaht, dat dat ALG I vell zu kooz jezahlt wäd. För all de Minsche, de lang jewullakt han, sullt et ooch länger mer Jeld jewwe. Dat wor dä 1. Schritt. Un dä 2. Schritt: Minnigens 8,50 Euro för ährlesche Arbejt,  un  dä dritte: wat mer för de Rente jespaart han, soll ooch da bliwwe.
Na, da komme mer doch so langsam widder zusamme, de Pütterkes un dä Kopp. Un stolpere nich öwer de eijene Fööß!
 

 09. 03. 2010

Dat Hannelore

Nä,  wat für’n Ärjer. Dä Westerwelle war so schön dabej, sich selber auszutrixe  mit dä  Diskussion zu Hartz IV. De Minsche merke plötzlich, wat dat für en Tünnes is und wie dä tickt.
Da moß dat Hannelore sich ooch zu dem Thema äußere. Dat is vell zu jefährlesch. Sobald nämlich jemand von dä SPD sich dazu äußert, kannse de Presse inne Pfeife rooche. Un dann is dat Malheur da. Et is ja richtesch, dat mer sesch Jedanke maht und dazu ooch Ideje sammelt, äwer doch nich in ne Presse. Oder hätte dä Spiegel sonst nit met dem Hannelore jeredet? Liewer en schleite Press als jakinne? Da is schon bej  dä Ypsilanti  inne Bux jejange.  
 

 

22.02.2010

Dä Ministerpräsident Rüttjers un sin Jeschäftsföhrer.

Dat war doch mal interessant. Dä Ministerpräsident Rüttjers un sin Jeschäftsföhrer. De wolle uns gloobe make, datt dä Jeschäftsföhrer Wüst janz allein dat Jeld auf em Parteitach för dä Privatjespräche met dä Mittelstand schaufeln wollte.
Wat soll dat denn? Wolle die uns för blöd verkoofe? Da stellt sich dä Herr Rüttjers hin un behoptet, er müsst nix von Jeld, dat fließe soll, wenn hä met dä Sponsore parliert. Un nu is et dä Wüst entschuld. Dä hät jo alles allein jemakt.
Wer glövt denn so wat? Seit wann passiert so wat ohne Absprach mit der handelnden Person? Dat is so unwahrschejnlesch wie ne fliejende Wutz. Offensichtlesch wird dä Wüst daför jood bezahlt, dat er sesch abwatsche lasse moss. Dä moß schon richtesch rode Bäkses han von all den Watsche.

Ich fraje mich bloßt, wat hat eijentlesch dä Herr Ackermann för sin Jeborstachsesse mit de Frouw Merkel bezahlt? Dat muß en riesich Betrag jewesen sejn, oder?

 

12.02.2010

Die Jeschischt um de Trauerhall, die rejend misch uff. Hammer doch jefordert, dat up dem neujen Friedhoff en Trauerhall uffjestellt wädde soll. Dä Wech von dä alde Trauerhall bis zu diesem Tejl des Jottesackers is 750 m weijt. Wenn mer jesond is und jut loofe kann, is dat kein Problem. Äwer up son Beerdijung sin oft alde Lük. Un dann wäd de Strecke zu nem Problem.

Dat hat vor Johre en Dezernent erkannt un in Lank  up de neue Friedhoff en zweete Hall jebaut. Die hätt zuäscht nur en Dach un 4 Wände jehabt. Isch kann mer nit vorstelle, dat dat so düer war.
Nu wolle mer dat och für Büderich. Och hier wädde die Lük immer älder un dä Wech beschwerlesch.
 
Nu säht de Verwaldung: „Nä, dat wird zu düer. Dat hammer nit inne Kasse.“ Un will son Luxusmodell för 70 Trauerjäste baue. Dat moß doch ja nit sejn. Wie oft jebbte denn sonne jroße Beerdijung met 20 Personne, die trauere? Isch glöv, dat Platz för 40 Personne völlig jenoch is.
Könne mer nit dat Modell aus Lank kopiere? Oder mäkt de Verwaldung darus en Trajödie?
 

Kulturausschuss: Haus Meer

Da war isch doch am Diensdach im Kulturausschuss.
Unter anderm jing et um Haus Meer. Dat is ja unser Sorjenkind. Et lüppt nix richtisch. Nu kam dat Modell GGmbH. Erst mal denkse, wat soll dat. Dann denkse, lot mol sehe und dann denkse, künnt ja klappe.
Nu is seit einem Johr dat so im Jange un de Stadt Meerbusch hat sesch immer fürnehm zurückjehalde. Äwer am Diensdach wollte mer im Ausschuss et wisse. Da war de Verwaldung äwer am rumeiere. „ Nä, dat künnt mer nit in ne Öffentlichkeit sare, nä, da kann ma haftbar för gemaht wädde., nä, nä da könne mer nix zu saje. Äwer mer bruche Jeld, um dat wat mer wisse durch en Jutachten pröfe zu lasse. Mingestens fünfstellig kostet dat…..“
Na, da war de Kack am dampfe em Ausschuss. Wisse dörfe mer nix, äwer bezahle solle mer dat? Wie denn nu. Sonst wird jede Cent dreimol rumjedreht bevor er usjejebbe wird un nu dat? Dat war ne dicke Hunk. Hammer natürlich nich jemaht. Nu muss de Verwaldung sehe, wie se de Kuh vom Ejs kricht.  

 

01.02.2010

De Krankekasse fordere 8 € mehr Bejtrach. Et is nit zo fasse. Seit 6 Monden is de SPD nich mehr am rejieren mit dabei. Un nu lasse de FDP un de CDU de Katz us em Sack.Kopfpauschale. Jedder jleich viel un de rest met de Stuere. Da brauch mer noch wenjer Jespräche mit de Pharmakonzerne. Dat et mühsam is, Transparenz in de Jesundhejtsvorsorje zu krieje, wissen mer all. Dat Ulla hetz sich da ooch schon de Zäng usjebisse. De Pillendreher han sonne starke Lobby, dat glövt man kaum. Un nu de Kopfpauschale. Wie soll dat jehen? Solen dat unsere Praktikanten von 200,- € och noch bezahle? Oder wie stellt dä Hr. Dr. Rössler sich dat vor?

 

 
25.01.2010
 
Nu jeht et loss met dä Wahlkampf.
Dat Wahlprojramm es do!
Wenn isch mal zusammefasse derf:
 
Wat mer us NRW maken däde, wenn mer jewählt wöde.
 
Mer sorje för jode Arbiet in NRW.
 
Jode Bildung wöddet jewe för alle Lük in NRW.
 
Jode Ideen, die wat bringe, sätze mer in NRW um.
 
NRW stond zusamme.
 
Mer schaffe dat för NRW.
 
Da hörd sich doch jod an. Natörlesch es dat Projramm fell länger, äwer dat muss mer selver nachlese.
Unter www.nrwdpd.de

 

 
10.12.2009
 
sößer dä glöckske nicht klingele
 
nun is dat Joor fast vorbej. Ich ben fruu, dat mer de Wahlen hinger uns han und nächste Joor nur noch dat Hannelore Kraft in trocken Töcher muss. Nach all dä fiese Enttäuschunge mooß dat doch mal klappe. Dat schejnhillige Männeke, dä Här Rüttjers, däm moß doch mal klar jemacht wedde, dat hä noch nit an Schmitze Bakkes vorbej is. Ich gloov, dä träumt en bisje von Berlin. Da kunn hä ja von mir aus jerne hinjonn.
Jedenfalls wäd ich en Kääzke anmake an Weihnachten, damit mer dat hinkrieje.
 
Lev Größe
Christa
 

 

09.12.2009
 
Meerbusch-Plattform
 
Heut han isch et ooch schon geschnakelt, dat et en "Meerbusch-Plattform" gebe soll. Zwej Männekes wolle dat hinkrije.
Dat erinnert mesch an "Oh wie schön is Panama " die Jeschichte vom  Tijer un Bär, die nach Panama auswandere wolle. Leider loopen se nur im Kreis. Und die bejden?
Loope die im Kreis oder nach nirgendwo? Wat ham die fürn Triller unterm Ponny. Oder is dat dät neueste Trick, um in de Ziedung zo kumme? Dann sollte mer dat öfter mache. Dä Schurnalist scheint ja en beßge leicht zu beschummele zu sein. Mer mößte uns nur ewwer en joode Jeschicht usdenke. Mat meinste? Da wöördt us scho wat einfalle, wenn mer us janz doll anstrenge.
 
 
leeve Jrööße
Christa

 

27.11.2009

Haushald 2010

Lev Lück,
am Samsdag den 14.11.2009 hammer de Haushald för Meerbusch bekakelt. Wenn me su öwerlejt, dann is dat en richtige Batze Jeld. Äwer lejder wird et nit daför uusjejebbe, wofür mer es järn hädde. So muss dat Ille ma widder en flöcke Reed jejen dä Bürgermeester halde. Mer wönsche us, dat bejspielswejse de Arche Noah, ons kleener Streichelzoo, erhalde blieft. Da mäkt die CDU immer so fiese Tricks und will nit recht dazu stonn.
Dabei is et doch für oonsere Kingers so wichtig, dat de Pänz mit de viecher jett zo donn krieje.
 
 
Ma sehe, wat mo donn künne.
 
lev Jröß
Christa